【想像自己係另一個人，有效提升自信】#MrBusiness #蝙蝠俠效應
早幾日聽到姪仔同佢阿媽嘅對話，
「 你食飯食到咁慢陣間無甜品食架喎。」
姪仔不理，繼續慢條斯理咀嚼口中的飯，之後佢阿媽再講：
「 蝙蝠俠食飯應該食得好快架，咁佢可以多啲時間去捉壞人。」
姪仔猶如摩打上身，9秒9食完碗飯，然後落地扮蝙蝠俠打怪獸。
小朋友世界好簡單，當你講小朋友鍾意嘅人物會點會點，佢地就會模仿，甚至做到原本無信心做嘅事，原來背後真係有一條理論叫做「蝙蝠俠效應 」(Batman Effect)。
記得美國某大學有兩位學者做咗項有趣研究，測試兩組參與者，任務要佢地做 1小時好悶嘅任務。如果做到唔想做，隨時可以終止任務玩iPad，但參與者決定玩iPad前要先回答一條問題。
第一組參與者會被問到「你有無努力完成任務？」；
第二組參與者就會先被要求幻想成為自己欣賞的人 (例如劉德華、Steve Jobs)，然後會被問到「Steve Jobs有無努力完成任務？」
實驗結果顯示，第二組參與者在扮演角色過程中，因為覺得他們是典範，所以想模仿他們，於是相比首兩組更能增強決心和有更好的專注力，這就是「蝙蝠俠效應」。
職場上你可曾遇過無信心去做嘅事？曾經有位上司令我好欽佩，每次當我做出重大決定或遇到問題時，會即時幻想自己係個位上司，諗下佢會點處理，過程中加強不少自信心，遠離負面情緒。今日開始，搵個屬於你自己的「蝙蝠俠」，或者會有意想不到嘅效果。
Search